Ecc 3 | Ndebele | STEP | Konke kulesikhathi esimisiweyo, njalo kulesikhathi sayo yonke indaba ngaphansi kwamazulu :

1 Konke kulesikhathi esimisiweyo, njalo kulesikhathi ^a sayo yonke indaba ngaphansi kwamazulu ^b: 2 Isikhathi sokuzalwa, lesikhathi sokufa ^c; isikhathi sokuhlanyela, lesikhathi sokusiphuna okuhlanyelweyo ^d; 3 isikhathi sokubulala, lesikhathi sokuphilisa; isikhathi sokudiliza, lesikhathi sokwakha; 4 isikhathi sokukhala inyembezi, lesikhathi sokuhleka; isikhathi sokulila, lesikhathi sokugida ^e; 5 isikhathi sokulahla amatshe, lesikhathi sokubuthelela amatshe ^f; isikhathi sokugona, lesikhathi sokuba khatshana lokugona ^g; 6 isikhathi sokudinga inzuzo, lesikhathi sokuyekela kulahleke; isikhathi sokulondoloza, lesikhathi sokulahla; 7 isikhathi sokudabula, lesikhathi sokuthunga ^h; isikhathi sokuthula, lesikhathi sokukhuluma ⁱ; 8 isikhathi sokuthanda, lesikhathi sokuzonda; isikhathi sempi, lesikhathi sokuthula.

9 Ulenzuzo bani osebenzayo kwatshikatshika kikho ^j? 10 Ngiwubonile umsebenzi ^k uNkulunkulu awunike abantwana babantu ^l ukuthi baphatheke ngawo ^m. 11 Konke ukwenze kwaba kuhle ⁿ ngesikhathi sakho ^o; wasebeka iphakade enhliziyweni yabo ^p, ukuze kungabi lomuntu ongafumana umsebenzi uNkulunkulu awenzayo kusukela ekuqaleni kuze kube sekucineni ^q. 12 Ngiyazi ukuthi kakukho okuhle kubo ngaphandle kokuthokoza ^r lokwenza okuhle empilweni yakhe ^s. 13 Futhi lokuthi wonke umuntu adle anathe ^t akholise okuhle ngomtshikatshika wakhe wonke ^u, kuyisipho sikaNkulunkulu ^v. 14 Ngiyazi ukuthi konke uNkulunkulu akwenzayo kuzakuba khona phakade; kakukho okuzakwengezelelwa kukho, njalo kakukho okuzaphungulwa kukho; uNkulunkulu wakwenza ukuze besabe phambi kwakhe ^w. 15 Lokho okwakukhona ^x kukhona khathesi ^y, lalokho okuzakuba khona sekuvele kukhona ^z; njalo uNkulunkulu ufuna okuxotshiweyo ^aa.

Ukwahlulela lokulunga kakukho emhlabeni

16 Futhi ngasengibona ngaphansi kwelanga indawo yokwahlulela, kwakukhona ububi lapho; lendawo yokulunga, kwakukhona ububi lapho ^ab. 17 Ngathi mina enhliziyweni yami: UNkulunkulu uzakwahlulela olungileyo lomubi ^ac, ngoba kukhona lapho isikhathi ^ad sayo yonke indaba lesawo wonke umsebenzi ^ae.

18 Ngathi mina enhliziyweni yami ngesimo sabantwana babantu ^af ukuthi uNkulunkulu abatshengise obala ^ag ukuthi babone ukuthi bona uqobo bazinyamazana ^ah. 19 Ngoba okwehlela abantwana babantu kwehlela lezinyamazana ^ai; njalo yinye into ebehlelayo; njengoba omunye esifa, ngokunjalo enye iyafa; yebo konke kulomoya munye, lomuntu kalakho angadlula ngakho inyamazana; ngoba konke kuyize ^aj. 20 Konke kuya endaweninye; konke kuvela ethulini, njalo konke kubuyela ethulini ^ak. 21 Ngubani owazi umoya wabantwana babantu owenyukela phezulu, lomoya wenyamazana owehlela phansi emhlabathini ^al? 22 Ngakho ngabona ukuthi kakukho okungcono okwedlula ukuthi umuntu azithokozise ngemisebenzi yakhe ^am, ngoba lokhu kuyisabelo sakhe ^an. Ngoba ngubani ongamletha ukuthi abone lokho okuzakuba khona emva kwakhe ^ao?